طبعكدن آلير قوت فياضي عساكر* * * طبعك نه بهين مصدر عرفان خلافت
غالب كليور هر طرفه جند شهنشاه* * * هو بر نفرك آثر در عمان خلافت
بيلمزدى عدو قدرت ايمان جيوشي* * * بيلمزدى كه دين مغفر بنهان خلافت
بيلمزدى كه وارسن كبى سالارى باشنده* * * بيلمزدى نه در خنجر عريان خلافت
قهر اولدى جناق قلعه ده دساس و رياكار* * * بي دين و مهين لشكر دشمان خلافت
كوردي نه در ايمان رها كار موحد* * * كوردي نه ايمش ششبر جنبان خلافت
مقهور اولهجق بسبتون اعداى سيهرو* * * بزده قالهجق مصر درخشان خلافت
طغراى شهنشاه ايله مسعود اولهجقدر* * * قافقاسيه كه بر همسر توران خلافت
جهد كله تمايز ايدييور عالم اسلام* * * نورلر صاجيور منبر ديان خلافت
نامك ابدى صدر وطنده متلامع* * * سنسك بزه بالاتر احسان خلافت
كورمشمى عجب سن كبى برار يوجه بايه ك* * * كيم جد ايله صيقل كربيشان خلافت
يكتاسك افندم يم بهناى حميت* * * فكر و املك كوثر عمران خلافت
سنسك او وطن برور جاويد شرافت* * * سنسك او بيوك داور خاقان خلافت
كيم برق اورييور طبعك ايله نجم و هلالي* * * تختك كه يوجه ياور جيران خلافت
نمسه، آلمانه ايدرز متفقا حرب* * * شان آلمه ده در معشر ياران خلافت
سنسك بو مهم بر لكه جوال مؤثر* * * فكر كله شرفبار سليمان خلافت
ير كنجسك ايدر فكريكي تبجيل أعاظم* * * بر كنج فقط بير نكهبان خلافت
قاموس بلاغتده بو لنماز سكا عنوان* * * وصفكده فحول كمتر تبيان خلافت
اسمكله منير اولمسه بو شعر بليغم* * * اولماز ايدي زيبآور ديوان خلافت
ممدوح جهانسك دخى ممدوح سلاطين* * * مداحك اولور مهر سخندان خلافت
كافى قلم معجزه برداز بلاغت* * * توصيف اولنماز كهر كان خلافت